Свадбата на Хаваи на Дарко Влогс и Даниела низ фотки + ги откриваат сите детали ексклузивно за CRNOBELO.com

Детали

понеделник, 30 август 2021

Од најдобри другари до брачни сопатници, Дарко Влогс и Даниела ги откриваат сите детали за нивната љубовна приказна. „Бевме другари, а пресврт на настаните се случи во 2019 кога сфативме (добро, Дарко прв сфати) дека настанаа некои поголеми чувства и емоции од само другарство...“, започнува Даниела.

Шармантниот и харизматичен камионџија и инфлуенсер Дарко Влогс неодамна направи бајковита свадба на Хаваи со својата избраничка Даниела.

Ексклузивно за CRNOBELO.com тие ги откриваат сите детали за свадбата, но и како започнала нивната врска.

Дарко (32) и Даниела (30) се запознале 2010 година во Битола (родниот град на Даниела) додека Дарко студирал таму.

Биле неразделни другари од првиот момент. Потоа Дарко заминал на брод, а подоцна се преселил и во Америка. Контактите  сепак не престанале и продолжиле на социјалните мрежи.

Даниела ни открива како се развивала нивната врска:

„Пресврт на настаните се случи во 2019 кога сфативме (добро, Дарко прв сфати) дека настанаа некои поголеми чувства и емоции од само другарство.

Инаку, ексклузивно за вашите читатели (затоа што поголемиот дел не знаат), Дарко ме запроси во 2020 за Нова година, но не откривавме ништо затоа што сепак сакаме да си ги задржиме тие некои интимни моменти за нас.

Па, оттогаш започна организацијата за понатамошен живот - средување документи за виза за мене, план за венчавка итн. Визата за која ние поднесувавме се нарекува вереничка виза која значи дека имате 90 дена да се регистрирате во некоја од државите во САД.

Идејата за свадба баш на Хаваи дојде од самиот почеток кога размислувавме каде да се венчаме и како се тоа да изгледа. Но, двајцата сакавме да си ја исполниме нашата животна желба, свадба на плажа - на Хаваи.

Кога стигнавме таму бевме многу изгубени, требаше да добиеме лиценца за свадба, па да се договориме со агенција за да ни среди ден за венчавка, матичар, фотограф и видеограф. Со оглед на тоа дека бевме таму 10 дена, се организиравме во доста брзо време, па го одбравме 20.08 како ден за тој момент.

Денот на венчавката беше со еден збор МАГИЧЕН. 

Нешто што не може да се објасни со зборови само да се доживее.

Продолжува на следната страна...