Несовесен потег: Девојка во Скопје ЗОО се прекачува преку ограда кај мечките (видео)

Детали

четврток, 28 октомври 2021

„За жал, оваа девојка дошла во Скопје ЗОО да ги малтретира животните и да си го ризикува сопствениот живот прескокнувајќи ги оградите...“, велат одговорните од Скопје ЗОО за девојка која на ризичен и несовесен начин си снимала видео за ТикТок.

Одговорните од Зоолошката градина во Скопје на Фејсбук профилот на Скопје ЗОО споделија видео на кое девојка ги прекршува правилата за однесување и воедно си го става животот во опасност.

Таа се прекачува преку ограда во живеалиштето на мечките, а само мало невнимание може да предизвика несакани ситуации, опасни по нејзиниот живот. 

Видеото од потегот е споделен на нејзиниот ТикТок профил.

Објавата на одговорните во Скопје ЗОО:

„За жал оваа девојка дошла во Скопје ЗОО да ги малтретира животните и да си го ризикува сопствениот живот прескокнувајќи ги оградите.

Секако ќе добие соодветна пријава, затоа што ваквото однесување е недозволено.

Понекогаш доволно е и една минута да немало никој во близина и да се случи ваков инцидент.

Токму преку едукативни кампањи успеавме да ја покренеме свеста и поголемиот број на посетители се културни и совесни, но ете има и по некој ваков изолиран случај кој заслужува казна!“

Потегот освен што е несоодветен според правилата на зоолошката, е и исклучително опасен, па токму затоа е потребно посетителите да бидат исклучително внимателни и да не се ставаат себеси и животните во опасност „од забава“.

Објавата е со цел да поттикне поголема внимателност и одговорност кај младите за да се избегнат несакани и опасни ситуации.

Видео од настанот:

Кратко по настанот, девојката од видеото сними извинување за однесувањето и порача другите да не ја повторуваат нејзината постапка.

Видео од извинувањето:

С. С. | Црнобело