9 работи кои мора да ги направите во Македонија, советува британски туристички сајт

Детали

четврток, 18 ноември 2021

Недопрените пејзажи на Љуботен, уникатната шарена џамија во Тетово, начинот на кој Македонците уживаат во кафето и уште 6 причини за посета на Македонија, пишува британски сајт.

На британскиот сајт за патувања Wanderlust авторот Питер Мур набројува 9 причини зошто Македонија е земја која треба да се посети некогаш во животот.

Вели дека тука има малку Балкан, малку Медитеран, дека е земја обликувана од империите што ја освојувале и земја преполна со природна убавина, фасцинантни руини од минатото и љубезни локалци.

Зошто да ја посетите Македонија:

Прошетка низ Скопје и неговиот уникатен микс на старото и новото

Посета на тврдината Кале, статуата на Александар Македонски на плоштадот од 2011 година, Старата скопска чаршија со уличките од калдрма, Милениумскиот крст на планината Водно со жичница и спектакуларен поглед.

Искачување на врвот Љуботен на Шар Планина

Недопрени пејзажи, див свет и некои од најдобрите планинарски патеки во Европа, врвот е во облик на пирамида и ќе ви требаат 5 часа искачување.

Шарената џамија во Тетово

Се наоѓа на 43 километри од Скопје и е една од највпечатливите градби изградена во 15-тиот век и не постои боја од палетата на уметникот што ја нема таму, соблечете ги чевлите, влезете и подгответе се за спектакуларната глетка.

Кајакарење во неверојатниот кањон Матка

Ова е едно од најдобрите искуства во Македонија, среде стрмните карпи, каде сенките танцуваат во текот на денот, а посетете ја и пештерата Врело која води до серија подземни езера.

Јадење, пиење и уживање

Македонците ја обожаваат својата кујна, а од бурек до ајвар и шопска салата, како и тавче гравче, сарма и скара, сè ќе ве воодушеви, плус мора да посетите некоја од многуте винарии во Македонија.

Уште 4 работи на следната страна...