Александар Белов стана татко: „Ти благодарам Боже што станавме родители - Јелена ја донесе на свет нашата нова љубов“

Детали

петок, 14 јануари 2022

„Ти благодарам Боже што ни дозволи да станеме родители“ – со овие зборови Александар Белов ја започна објавата на социјалните мрежи откако тој и неговата сопруга го добија своето прво дете.

Македонскиот пејач Александар Белов стана татко за првпат. Тој и неговата сопруга Јелена среќните вести ги објавија на социјалните мрежи.

„Ти благодарам Боже што ни дозволи да станеме родители… Јелена Белов ти благодарам што ја донесе на свет нашата нова заедничка љубов. Се роди Мина Белов“ – напиша на Facebook Белов.

Александар и Јелена по повеќегодишна врска, стапија во брак во септември 2019-тата година, и во моментов живеат во Србија, каде Белов ја гради својата музичка кариера со неговиот бенд „Белов бенд“.

фото: Фејсбук - Александар Белов

Белов кој се прослави кај балканската публика со учеството во талент-шоуто „Операција Триумф“ долго време беше во врска со Јелена Станковиќ (сега Белов), а ја побара за жена во манастирот „Свети Наум“ во Охрид.

фото: Фејсбук - Александар Белов

Неколку месеци по запросувањето тие се венчаа во манастирот „Дивостин“ во Крагуевац во присуство на најблиските, а биле присутни и повеќе новинари и јавни личности од Македонија.

фото: Фејсбук - Јелена Белов

Мина Белов е нивното прво дете.

Б. С. Б. | Црнобело