Македонија низ објективот на туристка од Турција: „Тргнав со предрасуди, но оваа земја ги надмина моите очекувања“

Детали

петок, 04 февруари 2022

„Скопје ме потсети дека треба да го видам целиот Балкан“ – вели Турчинката која покрај големиот број фотографии од светските метрополи и други магични места од светот, објави фотки и од нашата земја, фасцинирана од знаменитостите, чистите плоштади и улици. 

Секогаш ни е интересно да видиме како странците што доаѓаат како туристи во Македонија ја доживуваат нашата земја. Што е она што ги фасцинира, што им се допаѓа?

Туристите што доаѓаат во Македонија речиси секогаш ги посетуваат Скопје и Охрид, а често се случува за своите впечатоци да пишуваат и на социјалните мрежи.

Иако во периодот на зимата во Македонија ретко имаме туристи, сепак оваа Турчинка одлучила во текот на новогодишните празници да ја посети нашата земја.

Покрај големиот број фотографии од светски метрополи и други магични места во светот, турската инфлуенсерка која на Инстаграм се јавува под псевдонимот @journey-try, објави фотки и од Скопје и Охрид, до кои пишува за сопствените впечатоци од земјава.

„Го планирав ова патување два месеца претходно, но мора да признаам дека не бев премногу возбудена и имав голем број предрасуди.

Но, овој град ги надмина моите очекувања“ – напиша таа до фотографиите од Скопје.

Во описот до фотографијата напоменува некои од знаменитостите во Скопје што ги посетила како „Камениот мост“, „Археолошкиот музеј на Македонија“, „Македонската Опера и Балет“, „Турската чаршија“, а впечаток ѝ оставиле и плоштадите и чистите улици.

„Скопје ме потсети дека треба да го видам целиот Балкан“ – вели таа.

Освен што објави фотографии од Скопје, таа објави и повеќе фотографии од Охрид, но како што рече, приказната за овој град ќе ја сподели во некои идни објави.

Погледнете ги нејзините фотографии:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Б. С. Б. | Црнобело