Кои се македонските натпреварувачи во трката за таленти на српското IDJShow?

Детали

петок, 22 април 2022

Најголемата и долгоочекувана регионална трка за таленти IDJShow која започна на 20 март е вистинско музичко освежување.

Станува збор за високобуџетен телевизиски формат кој се емитува секоја недела на каналот IDJTV, каде публиката има можност да се запознае со натпреварувачите и жирито, како и со нивниот начин на оценување на учесниците.

Релја Поповиќ, Теодора Џехверовиќ и нашиот македонски бисер Дарко Димитров овојпат ја имаат главната улога при изборот на вистинските идни музички ѕвезди.

Како што веќе беше најавено, целта на првите епизоди на овој натпревар беше да се изберат 24 натпреварувачи кои ќе имаат можност заедно да настапат на големата сцена.

Последната недела публиката имаше можност да види како овие 24 натпреварувачи се снајдоа на големата сцена, каде жирито своите коментари ги делеше од специјално дизајнирани автомобили наменети исклучиво за IDJShow.

Во групата од 12 финалисти се наоѓаат три македонски млади сили, двајцата браќа близнаци Давид и Давор од Скопје и автентичната Љупка Арсовска која доаѓа од Неготино.

Младите момци Давид и Давор имаат неколку свои авторски песни на YouTube, а неготинчанката Љупка беше натпреварувач и во музичкото шоу „Ѕвездите на Гранд“.

Тројцата се навистина актуелни на социјалните мрежи и исклучително добро ги следат тековните трендови.

Во продолжение повеќе фотки од нив:

Мила М. | Црнобело