„Ќерките и татковците делат едно срце“ - Снежана Лупевска со емотивна објава по смртта на татко ѝ

Детали

среда, 13 јули 2022

„Татковците се супер-херои, водичи во животот... Мојот татко беше сето тоа и многу повеќе, за мене татко од најубавата сликовница, мојот Супермен. Не сфаќав дека старее, дека еден ден може да не биде со нас, затоа што никогаш не се жалеше и сè можеше сам...“, гласи дел од емотивната објава на Снежна Лупевска, која ќе направи да го прегрнете цврсто својот татко, доколку ја имате среќата да е до вас.

Новинарката Снежана Лупевска вчера  (12.07) ја објави тажната вест дека нејзиниот татко починал.

Таа му посвети емотивна објава, која ежи и трогнува. Сигурно по ова цврсто ќе го прегрнете вашиот татко, доколку ја имате среќата да е уште до вас.

фото: Фејсбук - Снежана Лупевска пред повеќе од 20 години на ТВ екраните

Објавата на Снежна Лупевска за нејзиниот татко на Фејсбук:

„Велат таткото е првиот пријател што го среќаваш во животот и дека ќерките и татковците делат едно срце. Татковците се супер-херои, водичи во животот...

Мојот татко беше сето тоа и многу повеќе. Смирен, но и силен, тивок, но и решителен, за мене татко од најубавата сликовница, мојот Супермен.

Со сето ова не сфаќав дека старее, дека еден ден може да не биде со нас, затоа што никогаш не се жалеше и сè можеше сам.

За жал, сега го напушти овој свет, но знам дека месечината не свети залудно толку силно вечерва. Од таму горе, од небото широко отворено за него и понатаму ќе ме следи и сака. Почивај во мир татко.“

Синот на Снежана Лупевска е најверен фан на нејзината емисија „Код“

С. С. | Црнобело