„Поразителен став од страна на жена“ - Кристина Димитри стана мета на критики по изјава во македонска емисија (видео)

Детали

четврток, 10 ноември 2022

„Ова е жално што го слушам од устата на една жена“, „Не, не, не. Поразителен став од страна на жена. Буквално сум без зборови и не коментирам понатаму“... Се дел од осудувачките коментари за изјавата на пејачката Кристина Димитри дека жената не може да е рамноправна со мажот.

Пејачката Кристина Димитри гостуваше во емисијата „Нешто конкретно“ на Снеже Велков, каде зборуваше на разни теми.

Но, една нејзина изјава во емисијата ги разлути жените и таа стана мета на онлајн критики.

Изјавата на Кристина која вирално се споделува:

„Мажот треба да си има поголема слобода.

Жената сепак треба да се знае дека е жена и да си има некои граници.

Жената не може да е рамноправна со мажот, иако се бориме ние.

Не можеме ние физички да се пресметаме, ете да одиме во војна...“

На ова дел од коментарите од девојки и жени на социјалните мрежи се:

„Не, не, не. Поразителен став од страна на жена. Буквално сум без зборови и не коментирам понатаму“ – Дона Неделковска

„Ова е жално што го слушам од устата на една жена“ – Маја Кикириткова

Инаку оваа изјава е дел од одговорот на Кристина на прашањето од Снеже Велков „Штo го валка образот на една жена најмногу?“, кој започнува вака:

„Најмногу? Па, нормално, колку таа има морална вредности. Бидејќи кај мажот може тој да е неморален до утре, но тој секогаш ќе биде фраер и опасен, а жената не. Но, до некаде јас го поддржувам тоа и...“

Потоа оттука продолжува горната изјава која ги поттикна реакциите, и на крај Кристина завршува со тоа дека жената треба да биде дама и така да биде третирана од мажот.

Нејзиното гостување во емисијата „Нешто конкретно“, прашањето е од 29-та минута:

С. С. | Црнобело