Тематски 28-ми роденден во двор на дечко од Куманово, со бургер бар, ќебе бар и есенски декорации (фото)

Детали

среда, 16 ноември 2022

„Си организирав тематска забава во мојот двор. На самото место се печеше скара, имав направено бургер бар и секој од гостите сам си го правеше својот бургер. Бидејќи не знаевме дали времето ќе биде на наша страна (ноември е), како дел од декорацијата имаше „ќебе бар“, односно секој да може да земе ќебе и да се стопли“, споделува Христијан Маџовски (28) за CRNOBELO.com.

Христијан Маџовски е креативен дечко од Куманово, кој вложува многу време и љубов, како во уредувањето на својот дом, така и во организацијата на прославите.

Овојпат тој до најситен детаљ организираше уникатна роденденска прослава по повод неговиот 28-ми роденден.

Забавата со семејството и пријателите се одржа во дворот на неговата семејна куќа, а тој имаше концепт со бургер бар, ќебе бар, мени и што уште не.

За организацијата на својот тематски роденден, Христијан споделува за CRNOBELO.com:

„За мојот 28-ми роденден одлучив да правам тематски роденден. Со фактот дека роденденот ми е во студен период од годината (14.11) никогаш досега немам прославено роденден надвор.

Тематски роденден отсекогаш ми било предизвик и инспирација. Сакав да направам нешто интересно за себе и своето друштво.

Главната тема беше „Чил и грил“, односно да уживаме, да се дружиме, а воедно и да правиме скара.

 

Декорацијата и украсувањето беа лично мои, односно се служев со материјали кои веќе ги имав дома.

Палети, хартија, пампас трева, а и пред сè мојот двор. Се придржував до есенски бои, односно преовладуваа кафената, белата и зелената боја.

Времето беше на наша страна, па издржа да го искористиме денот максимално.

 

Кога станува збор за храната и пијалаците, се одлучив тоа да бидат бургери кои секој ќе си ги направи по свој вкус.

Продолжува на следната страна...