Доказ за некултурата во Македонија – украдени и уништени декорациите со мечиња во скопски ресторан

Детали

сабота, 17 декември 2022

Од скопскиот ресторан Дрен споделија дека некој им ги украл мечињата кои беа дел од празничната декорација, а едно од нив исекле и му ја оставиле само главата, бидејќи не успеале да го земат.

Помеѓу бројните локали во Скопје кои украсија за празничната сезона, декорациите на ресторанот Дрен беа едни од највпечатливите.

Како дел од декорацијата, на надворешниот дел од локалот беа поставени и неколку кадифени мечиња со дедомразовски капи.

Но, денес од ресторанот споделија дека некој украл дел од мечињата.

Едно од нив не успеал да извади, па го исекол и му ја оставил само главата.

„Е ова е нашата државичка, за жал. Половина мечиња украдени, едно крадејќи, не успеале, па ја пресекле и оставиле само главата“, стои на објавата на Инстаграм Стори.

Спирова С. | Црнобело