„Чувај ми место до клавирот“ - Игор Џамбазов емотивно му се обрати на татко си, една година по смртта

Детали

среда, 25 јануари 2023

„Нема да ти посакам да бидеш добар, оти таму кај што си, не може да ти е лошо. Чувај ми место до клавирот...“, гласи крајот на емотивната објава на Игор Џамбазов по повод една година од смртта на неговиот татко, но ги споменува и медиокритетите во нашата држава.

Игор Џамбазов секогаш со задоволство се сеќава и говори за својот татко Александар Џамбазов, кој почина пред една година.

Објавата на Игор на Инстаграм, една година по смртта на маестро Џамбазов, гласи:

„Помина една година. Цела година. За миг. За час. Помина побргу од која било детска песничка што си ја напишал.

Сигурен сум дека си добар таму горе.

И нека не ти е мака што не си овде долу, со нас. 

Да ти кажам искрено стари, ништо не си пропуштил.

Медиокритетите и понатаму ни диригираат по сопствени партитури, а ние божем одбиваме да свириме фалш.

Она што вредеше во годинава што летна се љубовта и почитта од луѓето за тебе, изразена во малку солзи и уште повеќе насмевки.

Нема да ти посакам да бидеш добар, оти таму кај што си, не може да ти е лошо. Чувај ми место до клавирот...“

С. С. | Црнобело