Емилија е мајка на 2 деца и една од најфит Македонките на Инстаграм - споделува топ 5 совети за вежбање

Детали

среда, 22 февруари 2023

Атрактивната Емилија Манџуковска (31) од Скопје e претприемач, но и вљубеничка во фитнес, едноставно не може да си ги замисли деновите без тренинзи и притоа успева совршено да балансира со обврските околу семејството.

Емилија Манџуковска (31) од Скопје e претприемач, сопственик на бутик за женска облека, сопруга и мајка на две деца, но и вљубеничка во фитнес.

Таа со право ја носи титулата една од најфит Македонки мајки на Инстаграм.

Постојано вежба и сака да се грижи за изгледот на своето тело, а фотографии од тренинзите споделува на нејзиниот Инстаграм профил.

За CRNOBELO.com Емилија споделува топ 5 совети за вежбање, според неа:

Почнете постепено

Не се форсирајте со цел побрзо да постигнете резултати, тоа може да ви донесе само повреди. Почнете со половина час, потоа постепено зголемувајте.

Вметнете го вежбањето во вашата секојдневна рутина

Тоа не значи дека треба да вежбате секој ден, туку целта е вежбањето и дисциплината да станат дел од вашиот живот.

Балансирана исхрана и многу вода

Овој совет сигурно веќе сте го слушнале, но е навистина битен. Без разлика која е вашата цел, избегнувајте внесување на непотребни калории.

Здравствени придобивки

Покрај изгледот, физичката активност ја зголемува енергијата, помага за подобрување на расположението, ослободување од стресот и го намалува ризикот од хронични болести.

Не брзајте, фокусирајте се

Фокусирајте се на формата, односно на правилно изведување на вежбите, за да ги искористите целосните придобивки на самата вежба, воедно и да избегнете повреди. Квалитетот на изведените вежби е поважен од квантитетот.

На следната страница повеќе фотографии од Емилија...