Браво! Во прв ред на ревија на македонскиот дизајнер Занов, седеше една од најголемите балкански ѕвезди како модна кралица

Детали

понеделник, 27 февруари 2023

„Нераскинлива љубов, која се роди на едно сликање пред многу години. Те сакам, господине Занов“ - напиша Сара Јо по спектакуларното модно шоу на нашиот дизајнер Митко Занов, каде таа пристигна во негова креација и уште еднаш докажа дека е модна кралица на Балканот. Покрај неа, во првите редови беше и Елена Најдоски, како и многу други наши познати личности. 

Викендов, главното случување во светот на модата, беше ревијата на нашиот дизајнер Митко Занов, кој ги претстави своите креации од пролетната колекција за 2023 - Nocturnal. 

Moдното шоу ги воодушеви сите присутни, а во публиката се најдоа голем број познати личности, кои уште споделуваат впечатоци од спектакуларниот настан на нашиот, а светски дизајнер. 

Помеѓу нашите вљубенички во модата, како Елена Најдоски, Александра Шијакоска, Лара Иванова и многу други, во првите редови се најде и српската пејачка Сара Јо, која пристигна како вистинска модна кралица.

Облечена во негова креација, Сара ги сврте сите погледи кон себе, а подоцна откри дека помеѓу неа и дизајнерот има посебна хемија.

На Инстаграм таа објави повеќе видеа и фотки од модното шоу и напиша објава со која му изрази почит:

„Нераскинлива љубов, која се роди на едно сликање (со мојата прва македонска љубов Горан Поповски) пред... не знам ни сама колку години. Одново и одново ме инспирираш со својот пристап и посветеност.

Ти си голем уметник, но уште поголем човек – а тоа, на крајот на денот е најважно. Засекогаш ќе ја имаш мојата најискрена поддршка. Те сакам, господине Занов“.

Повеќе фотки од стајлингот на Сара Јо:

М. М. | Црнобело