„Го гледав филмот Тома - ремек дело, емоција, не можам да се соземам, уште гуглам за него“

Совршен филм на кој сум плачела како никогаш досега – зошто не можам да престанам да мислам на филмот за легендарниот Тома Здравковиќ?

go-gledav-filmot-toma-remek-delo-emocija-ne-mozham-da-se-sozemam-ushte-guglam-za-nego-01.jpg

Викендов го гледав филмот „Тома“ и многу плачев и многу се ежев и многу ми доаѓаше убаво и топло на душата.

И нема да ви пишувам чие дело е и кој глумел, тоа веќе го знаете верувам. Само ќе кажам, Драган Бјелогрлиќ – царе и Милан Мариќ – легендо, не можам да дочекам да те видам во некоја наредна улога, улогата на Тома ти беше триумф!

Ќе се посветам на тоа какви емоции ми разбуди филмот. Како ме удри од земја и каков силен впечаток ми остави што не можам да престанам да мислам на него.

Мислам за животот на легендарниот Тома Здравковиќ, на сите негови несреќни љубови, на неговите пороци, на тагата во неговиот живот, но и на успесите, на наградите, на песните кои живеат и 30 години по неговата смрт, а ќе живеат вечно.

Си велам како било можно да си толку успешен, а едновремено несреќен и си велам дека ми се потврди тоа дека мора да живееме со полн здив секој ден, но и да научиме да се избориме со пороците, затоа што токму во филмот гледаме дека нивната цена често е превисока, некогаш жртва се токму луѓето што најмногу ги сакаме во животот.

Тома и покрај тоа што бил онколошки пациент пеел до самиот крај, последниот концерт го одржал на само 14 денови пред смртта. Браво, секоја чест.

Секој од нас да најде мотивација за живот како Тома што нашол во музиката, ќе биде благословен.

Филмот е чудо затоа што не можам да престанам да мислам на животот на секој еден лик од филмот. Не само на Тома, туку на докторот, на Силвана Арменулиќ, на последната сопруга на Тома, на неговиот менаџер...

Постојано гуглам за неговиот живот, за нивните животи, па гледам интервјуа со актерите од филмот, па ги слушам песните одново и одново, па размислувам за Лилјана и за сите жени за кои Тома посветил песни.

Го препорачувам филмот секому и секој еден од оние кои го изгледаа ми се јавуваат и ми велат дека помоќно нешто не гледале.

Еден легендарен живот доловен на совршен начин... Браво!

Го изгледавте ли вие?

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело 

Би можело да ве интересира:

Ен Хатавеј, Хит Леџер – познати актери кои добија Оскар за само неколку минути глума во филмот Ен Хатавеј освои Оскар за најдобра женска споредна улога со изведбата во Les Mis...
Што мислат познатите личности за филмовите направени според нивните животи? Додека Џулијан Асанж отворено го критикуваше The Fifth Estate, Стивен Хокинг зап...
Најтажната сцена на која сите плачат во „Тома“ е измислена и уште 5 невистини прикажани во филмот Песната „За Љиљану“ е посветена на позната српска актерка, а менаџерот Дрда не п...

Најчитани неделава

sonovnik-sidebar.jpg