10 биографски филмови што мора да ги изгледате барем еднаш

The King's Speech е одличен и забавен филм што ги прикажува проблемите со пелтечење на кралот Џорџ, таткото на Елизабета Втора, во периодот кога седнува на тронот. 

10-biografski-filmovi-shto-mora-da-gi-izgledate-barem-ednash-01.jpg

Иако некогаш биографските филмови ја искривуваат вистината, сепак ни го будат интересот за одредена личност која се истакнала над другите со своите подвизи и живот.

Неретко можеме и да научиме нешто од овие филмови и целосно да си ја промениме перспективата за некои работи.

До денес се направени бројни биографски филмови инспирирани од животите на навистина големи луѓе чии приказни вреди да бидат раскажани. Па, може да биде тешко да се издвојат неколку најдобри.

Во продолжение мал дел од најдобрите биографски филмови кои вреди да се изгледаат барем еднаш:

Frida (2002)

Одличен биографски филм што ја раскажува животната приказна на познатата уметница Фрида Кало. Дејството ги опфаќа најважните настани од животот на Фрида, а во главната улога ја гледаме единствената Салма Хајек.

На 18-годишна возраст, Фрида добива тешки повреди во сообраќајна несреќа кои ќе ја прогонуваат целиот живот.

Додека е „врзана“ за кревет, Фрида почнува да слика и со текот на времето се претвора во врвната артистка што ни е позната на сите.

Coco Before Chanel (2009)

Одри Тату е совршена за улогата на Коко Шанел во биографскиот филм за познатата дизајнерка.

Во филмот ги гледаме почетоците на Коко, неколку години откако го напуштила сиропиталиштето каде што ја оставил татко ѝ. А, потоа и нејзиниот подем во светот на модата, како и детали од нејзиниот љубовен живот.

The King’s Speech (2010)

Со Колин Фирт и Хелена Бонам Картер во главните улоги, јасно е дека ова е предобар филм.

Филмот е инспириран од приказната на британскиот крал Џорџ, таткото на сегашната кралица Елизабета.

Во периодот кога станува крал, Џорџ има проблеми со пелтечење и не може да одржи ни еден говор, па оди на терапија за да го надмине овој проблем.

Филмот го прикажува кралот Џорџ како најобичен човек кој само се обидува да се справи со неговата несигурност.

Erin Brockovich (2000)

Џулија Робертс ја глуми Ерин Брокович – невработена самохрана мајка која сама успева да уништи енергетска компанија во Калифорнија бидејќи ја загадува околината.

Поради нејзиниот изглед, никој не ја сфаќа сериозно, но Ерин не се откажува и станува дел од една од најголемите тужби против милијардерска компанија во САД.

Она што го први филмот уште подобар е тоа што како сите наслови на листата, и овој е направен според висинска приказна.

Julie & Julia (2009)

Овој филм е совршен за деновите кога се чувствувате лошо, а дефинитивно ќе ви се допадне ако сте љубител на готвењето.

Главните ликови се познатата готвачка Џулија Чајлд и млада надежна готвачка Џули Пауел.

Филмот паралелно ги следи почетоците на готвачката кариера на Чајлд во минатото и обидите на Џули во сегашноста да стане врвна готвачка.

Филмот е инспириран од истоимената книга напишана од Џули Пауел, а главните улоги им припаѓаат на Мерил Стрип и Ејми Адамс. 

Уште пет филмови на следната страница...



Би можело да ве интересира:

Ен Хатавеј, Хит Леџер – познати актери кои добија Оскар за само неколку минути глума во филмот Ен Хатавеј освои Оскар за најдобра женска споредна улога со изведбата во Les Mis...
Што мислат познатите личности за филмовите направени според нивните животи? Додека Џулијан Асанж отворено го критикуваше The Fifth Estate, Стивен Хокинг зап...
Фото-споредба: Актерите од божиќниот филм Love Actually - некогаш и денес Светкави улички, накитени елки, декорирани домови и љубов која зрачи насекаде на...

Најчитани неделава

sonovnik-sidebar.jpg