Стефанија од Штип, студентка по медицина: „Кога не учам, читам трилери - кои се моите топ 3 омилени книги?“

„Оддел Д“ – Фрида МекФаден

Медицински психолошки трилер што ткае хорор и реалност во едно.

Како студент по медицина, оваа книга особено ми се приближи, затоа што не само што е возбудлива, туку и многу реална, блиска и ментално вознемирувачка на најдобар можен начин.

„Мило мое дете“ – Роми Хаусман

Емотивно силна, морничава и непредвидлива приказна за заробеништво, идентитет и ослободување.

Хаусман има редок талент да пишува тивко, но да одекнува силно. Книга што ја држев во раце со треперливи прсти до последната страница.

Инаку, мојата безвременска книжевна љубов е и ќе остане Крис Картер – автор кој совршено ја познава темната страна на човекот, а сепак секогаш нè враќа кон човештината. Неговите книги од серијалот со Роберт Хантер се задолжителна литература за секој што сака паметен, психолошки и совршено структуриран трилер.

Покрај него, со огромно восхитување ги читам и Себастијан Фицек, Фрида МекФаден, Роми Хаусман, па дури и некои скандинавски автори, кои носат со себе една поинаква студена тензија.

На сите што досега не се нурнале во светот на трилерите, топло им препорачувам да му дадат шанса.

Секоја добра трилер книга е како лавиринт – ќе те изгуби, ќе те збуни, ќе те предизвика, но на крајот – ќе те ослободи.

Прочитајте и 3 предлог книги од нашата букстаграмџика Симона Мано

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело