Лоба на руски јазик, Катарина од македонски автор - Кои книги ги читаат познатите Македонци во лето 2025?

Композиторот и продуцент Зоран Алексиќ ја чита „Уметноста на војувањето“ од Сун Цу

Напишана во 5 век п.н.е., „Уметноста на војувањето“ на Сун Цу останува најмоќниот стратегиски текст во историјата.

Ова древно кинеско ремек-дело првично било создадено како прирачник за генерали и војсководци, но неговите принципи денес се применуваат во бизнисот, политиката, лидерството и секојдневниот живот.

Во оваа книга ќе најдете клучните тактики на војување и победување, како да победите без да влезете во директен судир, зошто моќта се гради на мудрост и стратегија, а не на сила, како да управувате со кризи и да ги надминете противниците со минимални загуби...

Оваа книга инспирирала не само воени лидери како Наполеон, туку и современи менаџери, политички стратези и претприемачи.

Без разлика дали сакате да ја користите во личниот развој, бизнисот или политиката, книгата е водич што нуди безвременска мудрост за секој што сака да биде чекор пред другите.

Катарина Ивановска - „Тони“ од Румена Бужаровска

Тони е поранешен рокер од Скопје, 53-годишен маж кој и понатаму живее со мајка му, а работи во државна институција.

Има две деца од различни жени, но со нив нема никаков контакт.

Иако е веќе остарен, на моменти се однесува како тинејџер. Ги знае сите градски фаци, зашто и самиот е еден од нив.

Во текот на пандемијата, ненамерно, но сепак по своја вина, предизвикува неколку настани кои освен што го менуваат неговиот животот, влијаат и на луѓето околу него.

На моменти романот е комичен, на моменти брутално искрен и трагичен.

А. Ј. | Црнобело