Дестинација Италија - 3 книги со кои ќе ја почувствувате италијанската култура

Полиња со лаванда, зрели гроздови и квалитетно италијанско вино, познатото еспресо. Звукот на ветерот низ тесните улички во Рим, зајдисонцето во Тоскана, вкусот на италијанските пасти и десертите...

3-knigi-so-koi-ke-ja-pocuvstvuvate-italijanskata-kultura-01.jpg

За сите љубители на Италија, овие три книги ќе ви ја донесат магичната земја на чинија. Ќе ја вкусите Италија со сите нејзини бои, ароми и екстериери.

А најмногу од сé – ќе се вљубите во романтичните приказни во:

Песто…паста... Храна на љубовта – Ентони Капела

Бруно е срамежлив, интровертен, романтичен и одличен готвач. Тој и неговиот другар ќе се вљубат во истата прекрасна девојка. Бруно започнува да готви прекрасни јадења, а неговиот другар се претставува како креаторот на истите.

Девојката паѓа на шармот на погрешното момче. Слатка, романтична и неодоливо забавна призна проткаена со љубовен триаголник и прекрасната италијанска храна и кафе.

3-knigi-so-koi-ke-ja-pocuvstvuvate-italijanskata-kultura-02.jpg

Италијанска авантура – Кетрин Џорџ

Љубовната авантура на Аби и Макс започнува кога ќе се расипе автомобилот на Аби и ќе ја остави на сред пат. Макс застанува да ѝ помогне и дознава дека Аби е тргната на деловен состанок со неговиот брат Џани, познат оперски пејач.

Помеѓу нив се јавува инстантна привлечност и љубовни искри. Макс никогаш не запознал жена како Аби и ќе стори сé за да ја освои. Дали ќе успее?

3-knigi-so-koi-ke-ja-pocuvstvuvate-italijanskata-kultura-03.jpg

Лето во Тоскана – Елизабет Ардер

Овој прекрасен роман ќе ве однесе низ тесните улични на вечниот Рим, каде ќе се напиете кафе „од нога“, а продолжува во прекрасната Тоскана која го одзема здивот.

Гема е лекар која е целосно посветена на професијата, а нејзината мајка ја вовлекува како сопатник во патувањето кон Тоскана и мистериозното наследство. Гема се вљубува во приказната која е обвиена со многу хумор и романтика.

3-knigi-so-koi-ke-ja-pocuvstvuvate-italijanskata-kultura-04.jpg

(О)Милена | Црнобело

Би можело да ве интересира:

Книги што идеално ќе се вклопат со амбиентот на плажа (I дел) Време е за одмор, сонце, вода и плажа, а ништо не носи мир во душата како добрат...
Три комплексни романи за читатели со истенчен вкус за книги Марк Твен рекол дека „Човекот кој не чита добри книги не е ништо подобар од чове...
Три нови, возбудливи книги кои ќе ви го одвлечат вниманието од секојдневните проблеми „Дали еден човек чита или не – тоа веднаш се забележува. Помеѓу луѓето нема пого...

Најчитани неделава

sonovnik-sidebar.jpg