3 нови наслови кои ќе ве освојат од првата страница
Спонзорирано од:
Спонзорирано од ОгласиЗаРабота.мк


3 нови наслови кои ќе ве освојат од првата страница

Летото е сé уште во полн ек, а тоа значи дека денот за читање е подолг, а свежите ноќи уште попријатни за уживање во нови книги.

3-novi-naslovi-koi-ke-ve-osvojatod-prvata-stranica-01.jpg

Три нови наслови кои ќе ве освојат „од прва“; српската писателка Јелена Бачиќ Алимпиќ повторно на книжевната сцена, мајсторот на магијата Зафон и нежното раскажување на Емили Гифинг.

На плажа, во автобус, додека одмарате дома или пред спиење, задолжително одвојте време за:

Те нема никаде - Јелена Бачиќ Алимпиќ  

Изабела се пријавува како волонтер-болничар во Црвениот крст за време на Првата Светска Војна, со цел да избега подалеку од мајка си. Во импровизираната полска болница ќе го донесат ранетиот Марко, воен известувач од Србија.

Двајцата ќе се вљубат без многу зборови, но откако војната ќе го дочека својот крај, минатото на Изабела се враќа да ја прогонува.

3-novi-naslovi-koi-ke-ve-osvojatod-prvata-stranica-02.jpg

Лавиринт на духовитe - Карлос Руиз Зафон 

Книгата „Лавиринт на духовите“ одлично го заокружува величествениот циклус романи поврзани со Гробиштата на заборавените книги (Сенка на ветрот, Играта на Ангелот и Заточеник на небото).

Сите тајни кои се испреплетуваат во претходните 3 мајсторски романи, Зафон ги отплеткува во Лавиринтот.

Локацијата – нормално, прекрасната Барселона. Ќе уживате во првиот дел, а за сé она што ќе остане недокажано, без грижа, ќе има и втор дел.

3-novi-naslovi-koi-ke-ve-osvojatod-prvata-stranica-03.jpg

Таму каде што припаѓаме - Емили Гифин 

Незаборавна приказна за две жени, семејствата поради кои се онакви какви што се и лојалноста и љубовта кои ги поврзуваат.

Мериен е 36-годишен тв продуцент која го живее животот од своите соништа во Њујорк. Навидум има совршен живот, сé додека една вечер не се појави 18-годишната Кирби Роуз на нејзиниот праг.

Која е Кирби и како е поврзана со Мериен? Клопчето полека почнува да се отплеткува додека двете жени тргнуваат во заедничка мисија откривајќи ги работите кои им недостасуваат во животот, кој ќе им се смени засекогаш.

3-novi-naslovi-koi-ke-ve-osvojatod-prvata-stranica-04.jpg

(О)Милена | Црнобело

 

Би можело да ве интересира:

Нема да ги испуштите од рака: 3 книги за ментален одмор Некои книги се како мед на разболено грло, тие ви ја греат душата и срцето и дол...
3 книги кои потврдуваат дека жената е најтврдото оревче Да се биде жена и мајка е најубавата и најтешката задача истовремено. Предизвици...
Топ 5 книги за опуштање на плажа Ако сте од оние кои на одмор сакаат да си дадат оддишка од сета сериозност и раб...

Најчитани неделава