Како читањето книги ни го поправа здравјето?

„Тоа е работата со книгите – ти дозволуваат да патуваш било каде, а да не се поместиш,“ рекла еднаш Џумпа Лахири. И вистина е.

Низ книгите запознаваме нови светови, сосема нови димензии, а воедно добро се забавуваме и квалитетно го користиме слободното време.

Плус, активно работите на своето здравје. Како поточно?

Задлабочувањето во содржината и приказната на книгата барем на кратко ви ги оттргнува мислите од секојдневниот стрес и ве смирува.

Читањето книги ви го одржува мозокот во добра форма, бидејќи ве поттикнува да размислувате и создавате слики во главата.

Си го збогатувате речникот и така полесно може да учествувате во секаков вид на дебати.

Читањето е најдобрата ментална активност која ви ја подобрува меморијата и го зголемува капацитетот за паметење.

Развивањето на аналитички вештини е уште еден голем плус.

Печатените книги ви ја подобруваат концентрацијата.

Зачудувачки, но кога читате книги, крвниот притисок ви се намалува заради тоа што ви се намалува и нивото на стрес во телото.

Невозможно е да читате без да сочувствувате до ликовите и тоа ви ја јакне емпатијата.

Читањето книги е најголемата и најевтината авантура која ви овозможува психички да посетите места и на крајот од светот.

М. Д. | Црнобело