Книги кои ќе ви ја променат перцепцијата за животот

Понекогаш се наоѓаме во ситуација каде се запрашуваме на кој начин го живееме животот и колку всушност се познаваме себеси. 

 

Оптеретени од секојдневието исполнето со стресови и разнишан биоритам понекогаш сакаме да залутаме во природа и засекогаш да останеме таму.

Иако бараме начин како да го најдеме чувството на мир, она задоволство на постоењето и смислата на нашето постоење, забораваме да погледнеме во суштинскиот избор, поточно во самите себе.

Книгите на Ентони де Мело, Елизабет Хејџ и Екарт Тол се вистински четива кои додека ги читаме ќе си повториме: „е ова е тоа што ми требаше“.

Будење – Ентони де Мело

„Животот е тоа што ни се случува додека сме зафатени“ е една од носечките реченици на оваа кратка книга, исполнета со бесценета мудрост. Со мноштво на анегдоти и приказни, како и вежби за самопомош, Будење ќе ни го промени животот.  

 

Иницијација – Елизабет Хејџ

Авторката на книгата е познат спиритуалист и јога учител која се сеќава на искуствата од претходниот живот во древниот Египет. Иницијација содржи многу тајни за несекојдневно разобликување на реалноста и има моќ читателот да го вдахне со ново знаење.

 

Моќта на сегашниот миг – Екарт Тол

Техниките на самопомагање и подучувањата како да ги наслушнете гласовите на своите емоции ќе ве одведе во длабочините на битието за кои претходно не сте биле ни свесни дека се дел од вас.

Автор: Е. Х. | Црнобело