3 нови книги совршени за долгите летни ноќи

„Затоа ве молам, ве молам, ве преколнувам и се молам, фрлете го телевизорот и на неговото место направете прекрасна полица за книги на ѕидот“. Ова била најголемата желба на писателот Роалд Дал, а доколку сте вљубеник во книгите веројатно веќе го имате послушано неговиот совет.

За сите оние коишто се опседнати со нови книги и нови наслови, овојпат препорачуваме 3 одлични кои ќе ви ги продолжат летните ноќи претворајќи ги во бессони:

Тајни на летната ноќ - Лиса Клејпас

Анабел Пејтон е прекрасна млада дама која може да бира мажи во морето на додворувачи. Има само еден проблем–таа нема мираз. Нејзиното семејство е на работ на катастрофа и постои само еден начин како Анабел може да им помогне – да се омажи за богат маж. 

Сајмон Ханх е нејзиниот најупорен додворувач, но тој ја сака само за љубовница. Иако Анабел е цврсто решена да одолее на неговите непристојни предлози и да го игнорира очајот во кој запаѓа нејзиното семејство, истовремено чувствува привлечност кон овој шармантен и храбар заводник…

Островот Камино - Џон Гришам

Банда криминалци го ограбуваат трезорот на библиотеката Фаерстоун на Универзитетот Принстон. Пленот е бесценет, но универзитетот има осигурување од 25 милиони долари. Дел од пленот по тајни канали ќе стигне до Брус Кејбл, сопственик на популарна книжарница во малото туристичко гратче Санта Роса на островот Камино во Флорида.

Но, некој полека ќе започне да се инфилтрира во кругот на пријатели на Кејбл со цел да ги дознае неговите тајни. Уште една одлична и возбудлива книга на мајсторот на трилери и заплети Сон Гришам.

Без излез - Тејлор Адамс

Четворица непознати завеани во снежна бура. Одеднаш се случува киднапирање. Одеднаш свесна дека е во голема опасност, Дарби се прашува: Кое е девојчето? Како да ѝ помогне кога нема сигнал на мобилниот телефон и не може да го продолжи патот поради снегот?

Кој од останатите патници го киднапирал ова дете? И што е најважно, на кого воопшто може да му верува?

(О)Милена | Црнобело