Како да читате повеќе книги?

Познавајќи го ритамот на денешницата, некогаш е тешко да најдете време за читање во својот дневен распоред.

За да го промените тоа, потребни ви се неколку добро размислени постапки.

Почнете редоследно:

Купете и водете си дневник на прочитаните книги

Забележете во кој дел од денот најмногу добивате желба за читање и за колку страни отприлика имате внимание.

Ако го повторувате ова секој ден, многу брзо читањето во тој период ќе ви стане навика и рутина.

Прашајте се зошто читате?

Ако помислите на тоа што ќе го прочитате во наредните 10 дена и како позитивно влијание ќе има во наредните 10 месеци или можеби години – ќе си дадете доволна причина да одвоите повеќе време.

Книгата нека биде секогаш со вас

На работната маса, во чантата каде и да тргнете, покрај креветот... за кога и да имате 10 минути слободни, да прочитате барем неколку страни.

Читајте тематики кои ве интересираат вас

Нека не ве ограничуваат бестселерите и книгите кои секој мора да ги прочита. Ако некоја книга не ви се допаѓа од првите 10 страни – оставете ја.

Слушајте аудио книги

Океј, можеби не е класично читање, но е многу побрзо и поедноставно. Аудио верзијата може да ја користите за книги кои ви требаат за деловно усовршување или потешка, стручна литература.

М. Д. | Црнобело