Тајните на лидерството и уште 2 книги кои ќе ви помогнат да станете успешни во кариерата

Книгите се богатството на времето. Моќта на лидерството и успешниот менаџмент е алатка плус во градење на успешна кариера и вештини. 

Моја топла препорака да се вивнете во светот на следниве моќни четива, кои ќе ви го задржат вниманието, а воедно и ќе научите по некоја психолошка лекција.

Тајни на лидерството – Мајкл Хит

Четиво за секој професионалец и експерт во својата област. Како во услови на криза може да добиете успешни резултати, колку самодовербата влијае на вас и вашето делување, како да ги пронајдете целите кон кои се стремите вие, и вашата компанија или организација.

За мотивацијата и менаџирањето на големи тимови и како да се одржи моралот во една средина.

Како да станете ефективен лидер? – Дејл Карнеги

Книга за секој менаџер и работодавец кој се обидува да воспостави рамнотежа помеѓу лидерството и менаџирањето.

Како да ги препознае најподготвените луѓе за во својата компанија? Како да ги мотивира вработените и да се справи со сите негативни страни на менаџирањето и позицијата на лидер?

Оваа книга нуди практични совети и стратегии како да се напредува во својата област и професија.

Владетелот – Николо Макијавели 

Во ова безвременско дело е прикажана слика на лидер според тогашната политичка наука и знаење, каде самиот Владетел е замислен како храбар и енергичен, истовремено суров и безобѕирен во борбата за својата цел.

Да направи баланс меѓу скржавоста и раскошот.

„Подобро да се плашат, отколку да го сакаат” е паролата која се провлекува низ целата книга, а алудира на фактот дека хиерархија постоела, и секогаш мора да постои, но никогаш не треба да се дозволи еден владетел да биде омразен од самиот народ.

М. У. Т. | Црнобело