Славчо Крежески со премиера за новиот сингл и видео запис за „Без тебе”

Славчо Крежески во неделата на 24ти Април во соработка со DAAN MUSIC PRODUCTION го промовираше својот најнов сингл заедно со видео запис за песната насловена „Без тебе”

Ова е нивна втора соработка за краток временски период, но како што и самите изјавуваат, ова е само почеток и во наредниот период ќе работат заедно на повеќе проекти со што се надеваат дека ќе донесат освежување на македонската музичка сцена.

Во следниот период Славчо најавува посериозно присуство на Македонската музичка сцена со настапи на дел од Македонските фестивали како и со издавање на нови музички дела.

Како автори на „Без тебе” се потпишуваат Кире Јакимов и Дарко Андонов. Музиката е дело на Кире Јакимов додека на текстот и аранжманот работеа заедно со Дарко. За добивање на финалниот звук односно за миксинг и мастеринг се погрижи Кире Јакимов.

За целата песна да биде прераскажана преку видео запис, позади камерата и како режисер на видеото се појавува Стефан Стојкоски.