Дупер и Young Dadi „претераа“: Новата соработка што уште првата вечер почна да се споделува насекаде

Нова музичка соработка од Дупер и Young Dadi вчеравечер премиерно пристигна на YouTube.

Песната „Претера“ уште со самото објавување почна брзо да се споделува на социјалните мрежи, а реакциите од публиката покажуваат дека дуото погодило звук што лесно останува во глава.

Спотот може да се погледне во продолжение:

„Претера“ носи модерна продукција, заразен рефрен и емоција која доаѓа природно, без форсирање. Песната звучи како спој на препознатливиот сензибилитет на Дупер и енергијата што Young Dadi ја носи во својот израз, па резултатот е песна што лесно влегува „под кожа“ веднаш по првото слушање.

Публиката веднаш реагираше со споделувања и коментари, а многумина веруваат дека има потенцијал да стане една од позабележителните домашни песни ова лето. Освен мелодијата и енергијата, впечаток остава и самиот видеоспот во кој тие ги покажаа нивните одлични актерски способности и во улога на боксери. По сè изгледа дека „Претера“ е проект на кој се работело сериозно.

Зад музиката и текстот стојат Борис Какуринов, Илчо Нечовски, Давид Даниловски (Young Dadi) и Андреј Николов, додека аранжманот е дело на Борис Какуринов и Андреј Николов.

Со новата песна, Дупер очигледно влегуваат во активно лето. Објавувањето на „Претера“ доаѓа во период кога Дупер активно се подготвуваат и за двата големи летни концерти. Бендот ова лето ќе настапи на две локации што веќе најавуваат силна концертна сезона - во Хераклеа во Битола на 18 јули, како и во Антички театар во Охрид на 5 август. Карти за концертите се достапни преку www.kupikarta.com