Концерти во регионот на кои треба да присуствувате

Во следните месеци регионот ќе биде посетен од навистина квалитетни бендови. Почнувајќи од хеви-метал бенд Therion и генијалецот Roger Waters до незаменливите Scorpions… 

Нема сомнение дека сите почитувачи на добар звук ќе ги одбројуваат деновите до почеток на самите концерти.   

THERION – 06.03.2018 – Дом Омладине, Белград

Шведскиот симфоник-готик метал бенд Therion ќе го промовираат нивниот најнов албум Beloved Antichrist. Настапот ќе биде во форма на метал опера со времетраење од три часа.

Како што соопштува бендот, ова ќе биде единствената турнеја со ваков вид на перформанс, кој никогаш нема да се повтори.

ROGER WATERS – 04.05.2018 – Арена Армеец, Софија

Соосновачот на легендарните Pink Floyd и креативниот генијалец Roger Waters ќе одржи концерт во Арена Армеец во Софија.

Сите љубители на добра музика и вистински рок не треба да го пропуштат овој визуелен спектакл.

SCORPIONS – 10.06.2018 – Арена Штар, Белград

Концертот на групата Scorpions, кој требаше да се одржи на 7 декември 2017, преместен е за 10 јуни 2018 година во Арена Штарк.

Една од најпознатите хеви-метал групи од Германија, која постои повеќе од 50 години и има продадено над 100 милиони албуми, на почеток на јуни ќе приреди вистински музички спектакл за сите љубители на рокенрол. Ова е дефинитивно концерт што не смее да се пропушти. 

Автор: Евгениј Хоуп | Црнобело