Која е огнената Елени Фуреира и има ли шанса за победа на Евровизија според обложувалниците?

По првата полуфинална вечер на 63-тото издание за избор на најдобра песна на Евровизија која се одржа на 8 мај, Кипар се искачи на првото место со историски шанси за можна победа на најпознатиот европски музички фестивал.

Причината поради тоа е секако пејачката која ги претставува, Елени Фуреира која во целост го оправда името на песната – „Fuego“ или „Оган“ преведено од шпански.

Огнена, смела, талентирана и сексапилна, Елени буквално владееше на сцената и ја заокружи првата полуфинална вечер со настапот, кој иако беше последен по ред ѝ го донесе првото место за можна победа според коефициентите на обложувалниците.

Нејзините шанси скокнаа од 11/4 на 5/2 за можна победа.

На второто место по Кипар следува Норвешка, а победата по втор пат се надева да ја однесе Александар Рибак, кој во 2009 година победи на изборот со популарната „Fairytale“.

Миленикот на публиката има 7/2 шанси за победа. Сепак, шансите може да пораснат по одржувањето на втората полуфинална вечер вечерва на 10 мај.

Рибак ги загрозува шансите за победа на претставничката на Израел, Нета. Таа се симна од второто на третото место со коефициент 6/1, додека Франција е на четвртото место според обложувалниците. Француското дуо Madame Monsieur имаат 5/1 шанса за победа.

Конечно, на петтото место неочекувано се искачи Литванија, по одржувањето на првото полуфинале и влезот во финалето. Шансите на 24-годишната Ieva Zasimauskaitė се искачија на 9/1 за победа, иако пред почетокот на настанот тие изнесуваа 100/1.

Ова уште еднаш докажува колку брзо и лесно се менува правецот на евровизиската прогноза за победник.

Иако сите типуваа дека Израелката Нета ќе биде на прво место според обложувачите, Елени успеа да ги засени сите со изведбата и сценскиот настап како јаготка на шлагот во првото полуфинале.

31-годишната пејачка со албанско-грчко потекло ја започнала својата музичка кариера со групата Mystique, а во 2010 година ја запознала својата соло кариера.

Таа е многу популарна и веќе етаблирана пејачка во Кипар и Грција, а некои ја нарекуваат и „Кралица на поп музиката“.

Покрај успешна пејачка, Елени е и актерка, танчарка и модна дизајнерка.

(О)Милена | Црнобело