Нашата Тина Русева ја објави првата песна – „Своја“ ќе ви стане хит на прво слушање (видео)

„Оваа песна е за сите што се свои, не се менуваат за другите и храбро го следат својот сон“ - напиша нашата талентирана Тина Русева, за својата прва песна „Своја“, која е моќна и ќе ви стане хит уште на прво слушање. 

Уште од првиот пат, кога растури со изведбата на „Do it Like a Dude“ на „The Voice of Germany“, сите ѝ предвидоа блескава кариера на нашата Тина Русева, која подоцна го освои првото место на „The Voice of Europe“.

Талентираната 20-годишна девојка, која е порасната во Струмица, а веќе некое време живее во Германија, сега ја објави својата прва авторска песна на македонски јазик.

„Своја“ е моќна песна која во нејзина изведба звучи маестрално, има забавна нота која тера на движење, а дури и без да го знаете текстот ви доаѓа да ја запеете.

„Оваа песна е за сите што се свои, не се менуваат за другите и храбро го следат својот сон“ – напиша Тина за песната, чиј текст и музика се дело на нашиот Ник Буџак, а за аранжманот е задолжен Иван Кукиќ.

Слушнете ја песната на Тина која ќе ви стане хит уште на прво слушање, а ќе ве освои со моќниот вокал:

Прочитајте и Тина Русева за CRNOBELO, откако „растури“ на The Voice: „Не можев да замислам дека ќе добијам толкава љубов“

М. М. | Црнобело