Ку-Де!? - културна детоксикација во Куманово


Ку-Де!? - културна детоксикација во Куманово

Оваа сабота, 27. октомври со почеток во 19.30 часот во Занаетчиски дом во Куманово ќе се одржи мултимедијалниот настан наречен Културна детоксикација (Ку-Де!?), кој претставува спој на визуелна уметност, танц и музика. Освен тоа ќе има и групната изложба на скулптура, објект, видео и инсталација, која ќе ги претстави делата на младите современи македонски визуелни уметници од локално и национално ниво.

ku de kulturna detoksikacija vo kumanovo 2

Истата е замислена како еден пресек и увид во современите тенденции во творештвото кај младите автори. Куратор на изложбата е Ана Јовановска, а уметници-учесници се: Кристина Божурска, Елита Аити, Наташа Неделкова, Амир Карахасан, Ана Ивановска, Маја Кировска, Зоран Шеќеров, Анастасија Пандиловска, Ангел Миов, Саша Дичковски, Стефан Јакимовски, Зорица Зафировска, Стефан Нешковиќ, Ана Јовановска и Стефан Анчевски.

Кумановскиот електро поп бенд  Ки, кој во моментот е еден од најперспективните бендови во Македонија ќе имаат промоција на нивниот прв студиски албум Град. Групата е составена од: Александар Краљевски (вокал/гитара), Милош Краљевски (тапани), Андреј Димковски (бас-гитара) и Стефан Илиевски (клавијатура). На крајот на декември Ки ја започнува балканската турнеја со петнаесеттина договорени настапи.

ku de kulturna detoksikacija vo kumanovo 1

Тука е и унгарската актерка и балерина Fruzsina Nagy, која ќе го изведе својот танцов перформанс време на настапот на Ки

Крајот на детоксикацијата ќе биде препуштен на диџеј Bukacha, Dado K b2b Mamli, DJarto и M.E.N.U, кој десеттина години живее во Амстердам и бележи успеси во европската диџеј-сцена.

Културна детоксикација (Ку-Де!?) е настан поддржан од Министерство за култура на Република Македонија - нов културен бран, од локалната самоуправа на град Куманово и WIN Music Freedom.

Би можело да ве интересира:

Новата песна на Ријана и Дрејк + 7 други кои се очекува да бидат летни... Можеби во овој период од годината, со овие „тмурни“ денови, летото ви изгледа мн...
6 типови на музика кои ја подобруваат продуктивноста Музиката не служи само за забава и уживање во слободното време. Многумина се мно...
„Фенсерот“, фолкерот, панкерите и другите дежурни на секој музички фес... Музичките фестивали се секогаш одлично потрошено време. Тие се преполни со најра...