Кога ќе си ги испееш најдлабоките емоции - 25 години од култната „Не допирај ме“ на Маја Оџаклиевска

Пејачката која го поседува еден од најуникатните гласови на Балканот, огнената дама Маја Оџаклиевска е родена на 21 април 1954 година, а растела покрај Вардар и стариот скопски театар.

Маја долги години наназад живее и работи во Белград. Во текот на нејзината богата кариера испеала многу хитови, како „Шила“, „Многу солзи“, „Лиду ду“, „Сребрени улици“.... но, самата признава дека една од најдрагите ѝ е токму песната „Не допирај ме“ со која го освои првото место на Скопскиот фестивал во далечната 1994 година.

Музиката е на Григор Копров, а текстот го напишала самата Маја. Во неа ги вложила сета своја енергија и емоции. Песната е премногу лична, искрено доживување и случување од реалниот живот на поп дивата. Таа е огледало на емотивната фаза која ја поминувала Оџаклиевска во тој временски период, а интерпретацијата остава без зборови.

Хитот оваа година полни 25 години, а сè уште звучи свежо, модерно, едноставно безвременски. Така е со сите големи и квалитетни песни, нели?

Слушнете уште неколку хитови од поп дивата Маја Оџаклиевска:

Budi dobar, kao sto sam ja

https://www.youtube.com/watch?v=kgzNvpVM8GY

Шила

Сребрени улици

Многу солзи исплакав

Лиду ду

https://www.youtube.com/watch?v=69PNFZUoObE

(О)Милена | Црнобело