„Не можев да зборувам за абортусот, па затоа напишав песна“
Спонзорирано од:
Спонзорирано од ОгласиЗаРабота.мк
Komercija 25-05-2019


„Не можев да зборувам за абортусот, па затоа напишав песна“

Музичката ѕвезда Аманда Палмер е позната по тоа што во својата 20-годишна кариера секогаш отворено зборува за проблемите и никогаш ништо не цензурира.

ne-mozhev-da-zboruvam-za-abortusot-pa-zatoa-napishav-pesna-01.jpg

Во својот последен албум „There Will Be No Intermission“ таа пее за спонтаните абортуси, ракот, тагата и моментите за мајчинството за кои никој не ја предупредил.

Песната „A Voicemail For Jill“ зборува за девојката која оди на закажаниот термин за абортус и се вознемирува од она што го гледа по пат, но и наоѓа одреден мир.

За магазинот „Refinery29“ Палмер објаснува дека искреноста секогаш е тешка, комплексна и деликатна. Со абортусите таа се соочила уште од тинејџерските години и сфатила дека за тоа е тешко да се зборува отворено.

Оние кои го искусиле се многу чувствителни на оваа тема, а постојат и тие кои постојано сакаат да солат памет. Пејачката не знаела како поинаку да постапи, освен тоа да го преточи во она што најдобро го знае - музиката.

ne-mozhev-da-zboruvam-za-abortusot-pa-zatoa-napishav-pesna-02.jpg

Понесена и од мајчинските чувства (пред неколку години доби син), почнала да го гледа светот многу покритички и сфатила дека се случуваат многу неправди, особено во поглед на човечките права и на политичката сцена.

Таа на жените сакала да им ги пренесе чувствата кога се будиш наутро и знаеш дека тој ден имаш закажан абортус, а на патот кон клиниката постојано гледаш родители со бебиња, продавници за бебешка облека, па се премислуваш, размислуваш за оние кои не можат да имаат деца, сакаш да го задржиш, но знаеш дека не е можно...

Она што не го очекувала се позитивните реакции за песната, особено од жени кои ги криеле своите абортуси со децении и се срамеле од своите одлуки. Очекува и дека по ова, многу повеќе жени ќе се охрабрат да зборуваат за искуствата и дека веќе абортусот нема да биде табу-тема.

Е. Д. | Црнобело

Би можело да ве интересира:

Зошто Селин Дион не сакала да ја отпее „My Heart Will Go On" - химната... Вториот најпродаван сингл на женски изведувач во историјата и осмиот најдобро пр...
По 6 години неуспешни обиди: Тамара ја однесе Македонија во финале на ... Тамара Тодевска нè направи горди... Со маестралниот настап на евровизиската сцен...
Прерано те изгубивме, но среќни сме што те имавме Влатко Илиевски Само 33 години, уште толку многу да каже, да отпее, да одглуми, да сака и д...