Периодот на музички фестивали започна - Ќе посетите ли некој ова лето?

Сите велат дека во пресрет ни доаѓа најинтересниот период од годината. Летото, со своите можности за секој од нас има посебно значење. 

А, оние кои сакат да уживаат во добра музика, да пијат пиво, да се валкаат во кал и да кампуваат, имаат посебна привилегија да уживаат на некој од бројните фестивали што се одржуваат во Европа и светот.

Во продолжение следува листа на музички фестивали кои сигурно ќе ви ги исполнат вашите очекувања:

Rock am Ring & Rock im Park

7-9 јуни 2019; Мендиг & Нирнберг

Изведувачи: Tool, Die Ärzte, Slipknot, Marteria & Casper, Dropkick Murphys, Sabaton, Foals, Die Antwoord…

Ако сте човек што сака рок и метал, тогаш овие два фестивала се вистински погодок за вас.

Roskilde

29 јуни – 7 јули; Роскилде, Данска

Изведувачи: Travis Scott, Robyn, Christine and the Queens, Brockhampton, Jungle, Scarlet Pleasure, Jon Hopkins, The Cure…

На луѓето од Данска им стана традиција секое лето да го посетуваат овој фестивал, кој за нив е повеќе од музика и забава. Велат дека најлудите моменти од годината се случуваат токму тука.

Super Bock Super Rock

18-20 јули, Лисабон Португалија

Изведувачи: Lana Del Rey, The 1975, Metronomy, Kaytranada, FKJ, Superorganism

Да се посети еден од најпопуларните градови во последните години и истовремено да се присуствува на музички фестивал е комбинација што не смее да се пропушти.

Доволно е помислата дека од една страна се наоѓа Атлантскиот Океан, а од друга ги гледате вашите омилени изведувачи за да добиете уште поголема мотивација.

Sziget Festival

7-13 август; Будимпешта, Унгарија

Изведувачи: Twenty One Pilots, Martin Garrix, The 1975, Catfish and the Bottlemen, Jungle, Ed Sheeran, Foo Fighters, Florence + the Machine…

Со години и години наназад овој фестивал стана еден од омилените на луѓето од светот. Освен што ќе имате можност во живо да ги проследите вашите омилени музичари, ќе имате можност и да уживате во Будимпешта преплавена со насмеани и млади лица.

Автор: Х. Е. | Црнобело