Објавена е YOU, песната со која Васил Гарванлиев ќе нѐ претстави на Евровизија 2020 (видео)

По краткиот тизер од песната и нетрпението на фановите, Васил конечно ја објави песната со која ќе ја претстави нашата земја на Евровизија.

На Денот на вљубените, Васил го откри името на песната со која ќе нè претстави, а денес, на Денот на жената тој ја објави целосно песната YOU.

Тој долго ги држеше сите во исчекување и со нетрпение очекувавме да ја слушнеме претставничката нумера.

Денес премиерно, Васил Гарванлиев ја претстави долгоочекуваната песна YOU, dance хит кој ќе ви влезе во глава и ќе си го потпевнувате без престан. 

За песната, Гарванлиев вели дека иако сите очекувале драматична балада, тој се одлучил за модерна поп песна со македонски печат, кој ќе соодветствува на неговиот сензибилитет. 

Во видео спотот тој ги истакнува неговите танцувачки способности, заедно со Милена Витман, а песната звучи навистина светски. 

Слушнете ја песната со која Васил ќе се претстави во Ротердам во мај:

За потсетување, Гарванлиев беше дел од пратечките вокали на Тамара минатата година на Евровизија и во едно сме сигурни – ќе „растури“ и оваа година.

За сите кои не се запознаени со талентираниот пејач, прочитајте - што треба да знаете за нашиот претставник на Евровизија?

М. М. | | Црнобело