За сонувачи и креативци – биди дел во креирање на светот на Д Фестивал 2020

Годинава, најголемата фестивалска авантура кај нас, Д Фестивал, го слави својот 10-ти роденден и има само една и единствена желба: да биде почестен со вашата креативност.

Идејата е едноставна. Фестивалот заедно со сите сонувачи и креативци сака да создаде најрадосни и најпозитивни спомени во магичниот Дојран, со многу уметност и иновативност.

Фестивалскиот камп не е место само за одмор и преспивање, туку тоа е една инспиративна зона исполнета со разни уметнички правци и точки. Сите оние кои сакаат да го разубават просторот можат да се пријават со своја идеја за Арт Инсталација.

Во случај ако сакаш да ја збогатиш музичката програма, пријависти се да настапиш на Д Фестивал. 

За оние кои сакаат да водат конструктивна дискусија или кул работилница, оние кои сакаат да го споделат своето знаење со други, како индивидуалци или невладини организации пријавете се во Креираj го ПлоштАрт.

Ако црташ одлични илустрации или имаш свој моден бренд, ПлоштАрт Маркет е совршено место за тебе да го покажеш пред другите она што најдобро го правиш.

Веројатно постојат и такви поединци на кои лесно им оди да ги забавуваат луѓето, ако ти си еден од нив аплицирај го својот Уметнички Перформанс и биди дел од светот на Д Фестивал.