Мадона, Џастин Бибер - Пејачи и пејачки кои ги мразат нивните најпопуларни песни

Кој не би почнал да пее и да ги имитира Џек и Роуз кога ќе ја слушне „My Heart Will Go On“?

Истовремено, ретко ќе сретнете личност која не ја сака или која не ја слушнала легендарната „Let it Be“ од Битлси.

А, кога помислуваме на овие песни, убедени сме дека музичарите што ги напишале и отпеале се навистина горди на нив. Но, понекогаш ситуацијата е поразлична.

Многу артисти не што не ги сакаат, туку ги мразат нивните најпопуларни песни.

Во продолжение дознајте за неколку од нив:

Френк Синатра – „Strangers in the Night“

Еве што вели Френк за неговиот најголем хит:

„Ова е најлошата песна што сум ја слушнал. И, навистина чудно, постојано си велам ’Зошто сè уште ја пееш?‘“

Џејмс Блант – „You’re Beautiful“

Ако знаете само една песна од Џејмс Блант, тоа сигурно е „You’re Beautiful“. И додека целиот свет се „топи“ на оваа песна, Џејмс верува дека композицијата е далеку од романтична.

„Фановите ѝ даваат преголемо значење на песната и на радио ја пуштаа толку многу, што е досадна“, вели пејачот.

Кети Пери – „I Kissed a Girl“

Кети воопшто не го сака хитот што ја направи ѕвезда. Наводно, таа смета дека досега се промениле многу нешта спомнати во текстот, па ако имала можност би сакал одново да го напише.

The Beatles – „Let It Be“

Можеби не сите Битлси го делат истото мислење, но Џон Ленон отворено ја мразеше „Let It Be“.

https://www.youtube.com/watch?v=7P6X3IWLECY

Мадона – „Like a Virgin“ и „Holiday“

„Не сум сигурна дека можам повторно да ги пеам 'Holiday' или 'Like a Virgin'. Едноставно, не можам. Можеби би ги испеала ако некој ми плати 30 милиони“, изјави пејачката во едно интервју.

Vanilla Ice – „Ice Ice Baby“

Дури и да не го знаете Vanilla Ice, сигурно ја знаете „Ice Ice Baby“. Но, американскиот рапер воопшто не е горд на неговиот хит.

https://www.youtube.com/watch?v=w69cBHRso5M

Селин Дион – „My Heart Will Gо On“

Знаевте ли дека Селин не ја сакала песната уште кога првпат ја слушнала? Но, нејзиниот сопруг и продуцент Рене го игнорирал нејзиното мислење, па „My Heart Will Go On“ стана најпознатата филмска нумера.

Продолжува на следната страница...