„Супер девојките не плачат“ – култната химна на Reamonn излезе пред точно 20 години

Германскиот поп-рок бенд Reamonn беше формиран во 1999 година. Бендот има снимено и издадено вкупно 6 студиски албуми кои беа многу успешни во Германија, а забележаа одреден успех и во другите европски земји. Тие се „на пауза“ на неопределено време, започнувајќи од 2012 година.

Можеби не сте добро запознаени со нивниот музички материјал, но сигурно им го знаете најголемиот хит – Supergirl.

Песната е деби сингл од првиот албум на бендот Tuesday. Сите членови на бендот учествувале во нејзиното создавање, а ја продуцирал Стив Лајон.

Издадена е во далечната 2000-та година, што значи дека годинава го прославува својот 20-ти роденден.

Песната постигна неверојатен успех и стана своевидна „женска химна“ за сите оние коишто се соочуваат со тешки периоди во животот.

Многумина се пронајдоа во стиховите „But I’m a super girl/And super girls don’t cry“ или „Јас сум супер девојка, а супер девојките не плачат“.

Песната оттогаш доживеа една успешна преработка која го сврте вниманието на публиката, но оригиналот си е оригинал – нели?

Слушнете ги подолу:

(О)Милена | Црнобело