„Someone Like You“ на Адел „наполни“ 10 години – дали е сè уште вашата омилена, љубовна песна?

Песната веќе има култен статус и покрај тоа што наполни „само“ 10 години. Помина точно една деценија откако светот ја слушна Someone Like You. 

Песната има над милијарда и пол прегледи на YouTube и е еден од хитовите кои ја однесоа кариерата на Адел на уште повисоко ниво.

Someone Like You е последната песна од албумот „21“, вториот студиски албум на Адел.

Напишана е од неа и Ден Вилсон, инспирирана од љубовно разочарување, односно лошо раскинување. Адел ги напишала првите акорди и дел од текстот на својата акустична гитара откако ја раскинала врската со тогашното 30-годишно момче за коешто мислела дека ќе се омажи.

Спотот за песната е снимен во Париз, а песната е прогласена за најпродаван сингл за 2011 година во Велика Британија, останувајќи цели 5 недели на врвот на топ-листите по премиерата.

Слушнете ја неверојатната изведба во живо од Ројал Алберт Хол:

Албумот „21“, покрај Someone Like You, понуди и други неверојатни хитови како Rolling in the Deep, Turning Tables, Set Fire to the Rain и Don’t You Remember.

(О)Милена | Црнобело