Зошто експертите се загрижени за топењето на глечерите и колкава штета предизвикува ова?

Глечерите се опасни и за бродовите

Сантите мраз кои се откршуваат од глечерите неретко завршуваат во морето и можат да бидат опасни за бродовите. Катастрофата со бродот Титаник најдобро го покажува ова, а експертите стравуваат дека наскоро можеме да очекуваме уште многу вакви настани.

Поплави кои засекогаш ќе го променат изгледот на Земјата

Покрај тоа што ќе ја променат концентрацијата на сол во океаните, глечерите ќе го променат и нивото на водата. Како што напоменавме, во нив се кријат огромни количини вода и кога ќе се стопат, речиси сигурно ќе го зголемат нивото на вода во океаните и морињата.

Од 1961 година до денес, поради топењето на глечерите, нивото на океаните е зголемено за 2,7 сантиметри. Експертите предвидуваат дека глечерите во свето содржат доволно вода за да го зголемат нивото на океаните за околу половина метар. Ова значи дека сите крајбрежни градови и села ќе се најдат под вода.

Ќе изумрат многу животни

Покрај морските животни, од топењето на глечерите ќе настрадаат и многу копнени животински видови, чие природно живеалиште се токму глечерите.

Недостаток од храна

Ако изумрат морските животни, човештвото ќе изгуби огромен извор на храна. Ова значи дека сите луѓе кои во голема мера зависат од морската храна, ќе се соочат со глад.

Зголемено глобално затоплување

Глечерите имаат и важна улога во регулирањето на температурата на Земјата поради белата боја, но и огромната површина што ја зафаќаат.

Белата површина на глечерите ја рефлектира сончевата светлина и со тоа ја регулира температурата. Кога глечерите ќе се стопат, површината, односно земјата под нив ќе ја апсорбира и ослободува топлината од сончевите зраци, со тоа придонесувајќи за глобалното затоплување.

Можно е Земјата да не биде погодна за живот

Со сè што набројавме досега, станува јасно дека топењето на глечерите може да ја направи Земјата непогодна за живот. Дури и Стивен Хокинг нè предупреди дека ако продолжиме со ова темпо, наскоро Земјата ќе биде сува и жешка планета, без услови за живот.

Што значи, не залудно експертите одново и одново нè потсетуваат за потенцијалните штети. За среќа, тие веруваат дека уште има надеж да ја спасиме планетата. Покрај тоа, многу држави ширум светот почнуваат да имплементираат поеколошки решенија и се обидуваат да ја намалат емисијата на стакленички гасови. Но, факт е дека нè чека уште многу работа пред да ја стигнеме целта.

Спирова С. | Црнобело