Сакаше да го смени полот, израсна во женствена тинејџерка - трансформацијата на Шајло Џоли Пит низ годините (фото)

Детали

недела, 09 април 2023

Шајло Џоли Пит го привлекува вниманието на јавноста од моментот кога се роди, во 2006 година. Како прво биолошко дете на Анџелина Џоли и Бред Пит, Шајло отсекогаш им била интересна на медиумите и на фановите на нејзините славни родители.

17-годишната тинејџерка денес честопати блеска на црвениот тепих покрај својата мајка и воодушевува со прекрасната насмевка.

Но, таа беше подеднакво слатка и како дете, кога сакаше да се облекува како момче и носеше кратка коса.

Кога Шајло имаше 2 години, во интервју Бред откри дека таа се поистоветува со момче.

„Сака да ја викаме Џон. Ако ѝ се обратам со Шајло, ме поправа дека е Џон или само молчи.

Ако ѝ го поставам истото прашање, но овој пат употребам Џон, ќе ми одговори. Тоа се тие родителски слатки маки“ – рече Пит во интервјуто.

Слична изјава во 2020-та година имаше и Анџелина.

„Таа е фасцинантна со изборите што ги прави иако има само 4 години. А јас не сум родител што ќе го тера своето дете да оди против себе“ – рече Џоли во интервју кога ја прашаа зошто нејзината ќерка се облекува во облека за момчиња.

Сепак, пред две години, Шајло доживеа вистинска трансформација – почна да носи фустани, ја пушти косата и почна да користи природна шминка за да ги истакне очите и усните.

Светот одеднаш беше воодушевен од новиот изглед на Шајло и нејзината тинејџерска фаза.

Таа и денес знае да облече широки маички или дуксери комбинирани со машки панталони, но тоа го носи со многу женственост.

Од неодамна Шајло и танцува, па на интернет често се појавуваат видеа од нејзините танцови кореографии.

Нејзиниот татко не крие колку е горд на Шајло, па рече:

„Очите ми се насолзуваат кога ја гледам како игра“.

Фотографии од трансформациите на Шајло низ годините на следната страница…