Во тинејџерските години била стриптизета, дрогирала мажи и ги ограбувала: Скандалозното минато на Карди Би

Детали

недела, 04 јуни 2023

За да избега од насилна врска и да може да заработува откако мајка ѝ ја избркала од дома, Карди Би почнала да работи како стриптизета. Овој период раперката неретко дрогирала мажи и ги ограбувала. Кои се најголемите скандали на Карди Би?

Многумина ќе се согласат дека Карди Би е еден од најексцентричните изведувачи на денешницата. 30-годишната раперка има турбулентно минато, но и во сегашноста не се држи настрана од скандали.

Карди Би е родена во Њујорк, а почна да се прославува со помош на социјалните мрежи. Од 2015 до 2017 година беше дел од ријалити шоу на VH1, а во 2018-та го издаде и својот прв албум.

Карди Би се истакна во музичката индустрија, а има добиено и бројни награди.

Сепак, колку со музиката, толку внимание привлекува и со скандалите.

Неколку детали од проблематичното минато на Карди Би:

Во тинејџерските години работела како стриптизета

Откако добила отказ од локален ресторан, Карди Би се вработила како стриптизета.

Самата има изјавено дека оваа работа ѝ донела позитивна промена во животот.

Имено, тој период раперката била во насилна врска, а мајка ѝ ја избркала од дома.

Па, со работата во стриптиз клубот успеала да ги избегне и семејното насилство, и сиромаштијата.

Карди собрала и доволно пари да се запише на колеџ, но набрзо се откажала.

Всушност, Карди Би почна да се прославува околу 2013-та, кога на Инстаграм и Vine почнаа да се споделуваат видеа од неа во стриптиз клубот.

Има конекции со банда од Лос Анџелес

Откако го издаде првиот сингл во 2017-та, поради текстот на песната, во јавноста почнаа да се шират гласини дека Карди има некаква поврзаност со бандата Bloods од Лос Анџелес.

Следната година, таа самата го потврди тоа:

„Кога имав 16 години се дружев со многу членови на Bloods. Ми рекоа да им се придружам и им се придружив“.

Но, Карди истакна дека тоа било лоша одлука:

„Ако некој сега ми рече дека сака да стане дел од банда, само ќе му кажам дека тоа му е трошење време и пари. И, дека потоа никогаш ќе нема да може да ја напушти бандата“.

Дрогирала мажи и ги ограбувала

Карди отсекогаш била отворена за животот пред да стане позната, но се соочи со критики кога сподели дека додека работела како стриптизета, ги дрогирала мажите кои доаѓале во клубот и ги ограбувала.

Карди изјави дека кога мажите ѝ нуделе пари за секс, таа ги носела во хотелски соби, им ставала дрога или лекови за спиење во пијалаците, па ги ограбувала.

Во 2019-та таа се огласи на критиките од јавноста:

„Никогаш не тврдам дека сум совршена или дека имам совршено минато. Секогаш ја зборувам вистината и ги сносам последиците. Го правев она што морав да за преживеам“.

Сепак, голем дел од јавноста стои на ставот дека Карди би требало да одговара за ова кривично дело.

Продолжува на следната страница...