„Мојот страв е очигледен“ – Шенон Доерти објави потресни видеа од зрачењето

Детали

среда, 07 јуни 2023

„Среќна сум што имам одлични лекари. Но, стравот... Тајмингот... Еве како изгледа ракот“ – напиша меѓу другото актерката Шенон Доерти до видеата од третманите со радиотерапија. Таа откри дека во исто време кога поднела документи за развод, дознала дека ракот се проширил на мозокот.

Познатата холивудска актерка Шенон Доерти (52) со години наназад се бори со ракот на дојка, но честопати споделува и видеа и фотографии со кои јасно покажува како изгледа борбата против кобната болест.

Таа објави две видеа со кои покажа како изгледа терапијата со зрачење на главата, откако ѝ било соопштено дека ракот се проширил на мозокот. Како што може да се види, актерката лежи со маска која ја држи прицврстена за масата, а од очите лее солзи.

„Мојот страв е очигледен. Јас сум екстремно клаустрофобична и многу работи се случиле во мојот живот. Среќна сум што имам одлични лекари. Но, тој страв... Немирот... Тајмингот на сè што ми се случи... Еве како изгледа ракот“ – напиша Шенон до видеото, што може во целост да го погледнете ТУКА.

🚨 Ce mercredi 7 juin, Shannen Doherty (Charmed), atteinte d'un cancer du sein, a publié une vidéo particulièrement inquiétante où, couchée sur une table, elle reçoit un traitement aux rayons. Un moment particulièrement difficile qu'elle décrit en légende :

"Le 5 janvier 2023,… pic.twitter.com/hUQttrR4XA

— GOSSIP ROOM (@GossipRoomOff) June 7, 2023

Инаку, во истиот период кога на актерката ѝ било соопштено дека болеста се проширила, таа се разведе од сопругот Курт Исвариенко по 11 години брак.

„Разводот е последното нешто што Шенон го сакаше. За жал таа немаше друг избор.

Можете да стапите во контакт со агентката на Курт, Колиер Грим, бидејќи таа е интимно вклучена во ситуацијата“ – изјави менаџерката на Шенон непосредно откако беше објавено дека актерката се разведува.

Според многумина, со оваа изјава менаџерката на Шенон, потврдила дека нејзиниот сопруг имал афера со агентката.

За потсетување, Шенон успеа да го победи ракот на дојка во 2015-та година откако имаше мастектомија и хемотерапија, но во 2020-та година таа откри дека болеста повторно се вратила.

Освен видеото од радиотерапијата, Шенон објави уште едно видео во кое покажа како изгледала процедурата во која ѝ земале мерки за маската.

Shannen Doherty shares heartbreaking cancer update. https://t.co/5MDGantwd1 pic.twitter.com/C3rjtW1dPT

— Page Six (@PageSix) June 7, 2023

Прочитајте и Тврди дека нејзината болест му го уништила сексуалниот живот, имал афера со менаџерката – Детали за разводот на Шенон Доерти со третиот сопруг

Б. С. Б. | Црнобело