Партнерот ја сече папочната врвца, таа плаче: Џеси Џеј со брутално искрено видео од породувањето со царски рез

Детали

понеделник, 12 јуни 2023

Еден месец откако стана мајка, Џеси Џеј сподели емотивно видео од породувањето со царски рез. Во видеото пејачката цврсто го држи партнерот за рака, плаче, а се гледа и мигот кога тој му ја сече папочната врвца на синот.

Неодамна Џеси Џеј го доби првото дете – синот Бен Шели.

По повод еден месец од неговото раѓање, 35-годишната пејачка сподели емотивно видео од породувањето и првите денови со синчето.

Пејачката се породи со царски рез, а во видеото има инсерти од мигот додека ѝ ја прават операцијата.

Џеси цврсто ја држи раката на партнерот Чанан, а во еден миг и плаче.

На видеото се гледа и како пејачката првпат го прегрнува своето дете, како и моментот кога нејзиниот партнер ја сече папочната врвца.

„Утре ќе наполниш еден месец. Породувањето беше како најдолгиот и најубавиот ден од мојот живот. Мама и тато те сакаат повеќе од сè на светот мало момче.

И, ако сте го следеле моето патување, честопати сте ја делеле болката со мене. Ве молам сега придружете ми се во споделувањето на среќата“, стои во описот.

И партнерот Чанан го прослави првиот месец на синчето, со црно-бела фотка.

„Утре мојот млад крал полни еден месец. И иако моите очекувања беа високи, ти си сè што посакував и повеќе. Откако се роди, работењето, храната и спиењето ми се чинат потполно неважни…

До крајот на мојот живот ќе те штитам, ќе ти кажувам што е погрешно, а што правилно, ќе те водам кога ќе ти треба, ќе ти помагам со домашната...

Ќе те поддржувам во подемите, падовите и сè помеѓу и, секако, ќе те сакам безусловно“.

Повеќе фотки и видеа од Џеси:

Спирова С. | Црнобело