Свекрвата на Бијонсе стапи во брак со девојката – Свадбениот аутфит на Блу Ајви (11) стана мета на критики (фото)

Детали

вторник, 04 јули 2023

„Кое друго девојче на 11 години се облекува така?“ – прашуваат дел од твитерџиите за аутфитот што ќерката на Бијонсе и Џеј Зи, го носеше на свадбата на нејзината баба. Мајката на Џеј Зи стапи во брак со нејзината девојка со која е во врска од 2018-та година.

Бијонсе во неделата (02.07) присуствуваше на свадбата на мајката на нејзиниот сопруг Џеј Зи, Глорија Картер, а папараците ја фотографираа како пристигнува на церемонијата заедно со нејзината најстара ќерка Блу Ајви (11).

Пред еден месец, јавноста беше изненадена кога Блу излезе на сцената и танцуваше на концертот на нејзината мајка во Париз, а сега познатата пејачка повторно се најде на удар на критики заради начинот на кој ја облекува ќерката.

На свадбата на нејзината свекрва, Бијонсе беше облечена во фустан во боја на праска со длабоко деколте и наметка со пердуви, но на социјалните мрежи особено внимание привлече Блу Ајви, која според многумина е облечена несоодветно за нејзината возраст.

Иако добија голем број пофални зборови и сите коментираат за височината на Блу, која речиси е веќе колку нејзината мајка, според некои твитерџии, зелениот свилен фустан, високите потпетици и златниот накит не се соодветни за девојче кое сѐ уште не навлегло во тинејџерските години.

До Бијонсе се упатени голем број критики и многумина сметаат дека познатата пејачка ќерката ја третира како аксесоар.

„Изгледаат прекрасно“;

„Следната година Блу ќе биде повисока од мајка ѝ“;

„А каде се другите две деца на Бијонсе?“;

„Ми изгледа дека Бијонсе ја носи ќерката како да е аксесоар понекогаш. Кое друго девојче што сѐ уште не е во тинејџерските години се облекува така? Но, мора да нагласам дека и двете се убави“;

„Се шокирам секојпат кога ќе ми текне дека ова девојче има 11 години, а не 14“.

Инаку, мајката на Џеј Зи стапи во брак со нејзината девојка Роксан Вилтшир, со која е во врска од 2018-та година.

Б. С. Б. | Црнобело