Со мајка му живееле од социјална помош во камп-приколка – Зошто Бијонсе не сака да контактира со својот 13-годишен полубрат?

Детали

среда, 12 јули 2023

Таткото на Бијонсе имаше афера од која го доби синот – Никсон. Денес, детето има 13 години, а мајка му вели дека никогаш не ја видело Бијонсе, па сега почнало да ја прашува зошто таа не го сака. Извесен период, Никсон и мајка му живееја во камп-приколка, но сега се во подобра финансиска состојба, но Бијонсе одбива контакт со него.

Бијонсе има две сестри – Соланж Ноулс и Бјанка Лосон.

Иако не можат да се пофалат со нејзиниот успех, и тие се активни во забавната индустрија. Соланж Ноулс е пејачка како Бијонсе, додека Бјанка е актерка.

Но, знаевте ли дека 41-годишната пејачка има и полубрат?

13-годишниот Никсон и Бијонсе имаат заеднички татко – Метју Ноулс – додека мајката на момчето е причината за разводот на родителите на пејачката.

Метју Ноулс и мајката на Никсон, Александра Рајт, имале афера и таа останала бремена. Потоа, водеа битка за алиментација, а сега Александра тврди дека син ѝ ги нема запознато ни татко му, ни неговата сестра Бијонсе.

Наводно, сега Никсон почнал да се прашува зошто Бијонсе не сака да биде дел од неговиот живот.

„Ме прашува ’Зошто не ме сака?‘. Никсон никогаш немал нормално детство. Тој го губи својот идентитет бидејќи е во роднинска врска со многу позната личност.

Некогаш седам во бањата и плачам бидејќи не знам како да му помогнам да стане своја личност“, открива мајка му за The Sun.

Според Александра, таа ѝ Никсон живеат на помалку од 20 километри од раскошниот дом на Бијонсе и Џеј Зи, но и покрај тоа, пејачката нема никаков контакт со нејзиниот полубрат.

„Сепак, верувам дека нашите деца и внуци ќе бидат подобри луѓе од нас. Имаат Снепчет и слично. Мислам дека ќе најдат начин да се отворат и да разговараат за ова.

Мислам дека Бијонсе е добра личност и никогаш не направила нешто за да ме повреди. Не сакам ништо од неа. Само сакам син ми да биде слободен и да има среќен живот“.

Александра вели и дека се сомнева дека некогаш Бијонсе ќе сака да стапи контакт со 13-годишното момче, а додава и дека нему воопшто не му е лесно да го гледа раскошниот живот на сестра му.

На Александра ѝ било тешко да му објасни зошто таа работи по 16 часа дневно, а сепак нивниот живот не може ни да се спореди со оној на Бијонсе и Џеј Зи.

„Му кажувам дека славата не значи и среќа, за да не копнее по нешто туѓо“.

На училиште, Никсон честопати го прашувале за Бијонсе, а одвреме-навреме се случувало да го застанат и на улица за да се фотографираат со него.

Продолжува на следната страница...