Првпат посегнала по животот кога ѝ ја одзеле ќерката, смртта на синот ја „дотолчи“ – Тажниот живот на Шинед О’Конор

Во 2002-ра година Шинед застана пред олтар по вторпат, овојпат со новинарот Ник Сомерлад кој беше 7 години помлад од неа. Но, бракот траеше само 3 години и парот се разведе во 2004-та година.

Во 2004-та година, таа го доби синот Шејн со Донал Лани, а во 2006-та синот Јешуа Френсис Нил Бонадио со Френк Бонадио.

Шинед отворено зборуваше за проблемите со своето ментално здравје, па во 2007-ма година откри дека 4 години пред тоа ѝ било дијагностицирано биполарно растројство.

Пејачката изјави дека дното за првпат го допрела во 1999-та година на нејзиниот роденден кога се обидела да си го одземе животот.

Како што откри, тешката битка за старателство над ќерката Розин ја натрела за првпат да посегне по својот живот.

„На мојот 33-ти роденден имавме тешко судење и беше даден предлог да ја гледам ќерка ми само еднаш месечно. Тоа беше сериозен обид за самоубиство и за малку ќе умрев“ – откри таа и додаде дека таа вечер проголтала 20 таблети валиум.

Откако преживеа, се посвети на децата и религијата, истата година стана свештеник и го зеде името Мајка Бернадет Мери. Доби и признаница за нејзината работа со бездомните луѓе во Даблин.

Според нејзините изјави, биполарното растројство настапило како последица на хроничната болка со која живеела со години и заради насилството што го претрпела во животот.

Во 2010-та пејачката по третпат се омажи, овојпат за гитаристот во нејзиниот бенд Стив Куни.

Но, бракот траеше многу кратко - до 2011-та година, кога таа застана пред олтар по четвртпат со ирскиот психолог Бери Хериџ.

По четвртиот развод, таа изјави дека е хомосексуалка која се трудела да биде нормална и да покаже дека е хетеросексуална.

„Секако дека нема ништо нормално во тоа да се мажиш за луѓе што едвај ги познаваш. За среќа тие сите беа фини луѓе. Фала богу“ – рече таа.

Продолжува на следната страница...