Живееле како цимери, а таа била тајно вљубена во него – Кој е сопругот на Марго Роби, со кого заедно го снимија „Барби“?

Детали

петок, 11 август 2023

Биле бизнис партнери кои заедно отвориле своја продукциска куќа, а 9 години подоцна тие двајцата заедно се заслужни за успехот на филмот Barbie. Се венчаа во тајност и се трудат максимално да го кријат приватниот живот од јавноста – Што знаеме за љубовната врска на  Марго Роби и Том Акерли?

Актерката Марго Роби деновиве е актуелна со нејзината улога во филмот Barbiе во кој мораше да го напушти Кен за да осознае која е таа, но вистината е дека во приватниот живот таа има сопруг кој претходно долго време ѝ бил бизнис партнер и во кого била потајно вљубена, а освен во животот тој ѝ е партнер и во кариерата.

Во продолжение неколку интересни факти за љубовната приказна на Марго Роби и Том Акерли:

Марго Роби (33) и нејзиниот сопруг, продуцентот Том Акерли (33) се запознале во 2013-та година кога работеле на снимањето на филмот Suite Française, по што станале блиски пријатели.

Во 2014-та година тие двајца се преселиле во Лондон каде заедно отвориле своја продукциска куќа со уште неколку колеги, а заедно досега работеле на голем број филмови што станаа хитови, меѓу кои и кандидатот за Оскар, Promising Young Woman, како и филмот Barbie.

По преселувањето во Лондон, тие двајца ја започнаа својата романтична врска.

„Јас бев вљубена во него, но мислев дека тој никогаш нема да ме сака. Не сакав да му кажам дека ми се допаѓа за да не го расипам пријателството.

Потоа, се случи врската и сфатив дека сосема е нормално ние двајца да бидеме заедно, затоа што нашата врска има смисла“ – рече таа во една пригода.

Во 2016-та година, парот се венча во тајност во Австралија, од каде потекнува и актерката.

Продолжува на следната страница...