Повторно се врати на пороците, итно е пренесен во болница: Таткото на Бритни Спирс „се распаѓа“ откако ја изгуби контролата над ќерката

Детали

петок, 06 октомври 2023

„Беше на рехабилитација, но потоа пак почна да пие. Помалата ќерка мораше да го всели кај неа дома“ – според странските медиуми таткото на Бритни Спирс откако ја загуби битката за легалното старателство над пејачката повторно се вратил на старите пороци.

Во рамки на јавната битка за ослободување од легалното старателство на Бритни Спирс (41), нејзиниот татко Џејми (71), беше претставен како најголемиот негативец во приказната, а според пишувањата во светските медиуми, додека пејачката објавува контроверзни содржини на својот Инстаграм профил, нејзиниот татко повторно се вратил на старите пороци.

Наводно, откако Џејми загубил контрола врз легалните и финансиските прашања поврзани со животот на Бритни Спирс во 2021-ва година, неодамна бил на клиника за рехабилитација, со цел да се избори со алкохолизмот, а со оглед на тоа што веднаш штом излегол од клиниката повторно им се вратил на пороците, тој почнал да живее со помалата ќерка Џејми Лин Спирс.

Мајката на на Бритни, Лин Спирс во својата книга Through The Storm од 2008-ма година, откри дека нејзиниот сопруг и во минатото имал проблеми со пороците, па бил зависник од алкохол и коцкање.

Според најновите информации, таткото на Бритни во јули излегол од Клиниката за рехабилитација, откако завршил 30-дневна програма за одвикнување, но имал проблем за да остане трезен, па затоа помалата ќерка Џејми Лин го примила во својот дом во Лузијана, каде што живее со сопругот Џејми и нивните две ќерки Меди (15) и Ајви (5).

„Џејми излезе од реахбилитација, но повторно почна да пие алкохол и неговата сопруга Лин и ќерката Џејми Лин се загрижени за него. Па, затоа Џејми Лин го викна да се грижи за нејзините две ќерки додека таа учествува во шоуто Dancing With The Stars“ – велат неименувани извори за Daily Mаil.

Помалата сестра на Бритни, Џејми, во минатото откри дека алкохолизмот на нејзиниот татко предизвикал голема недоверба во семејството затоа што никој не знаел дали може во целост да му верува.

Тој за првпат бил на рехабилитација во 2004-та година, кога Бритни го натерала да побара помош,  но во 2014-та година пејачката, пред судот изјави дека се сомнева дека нејзиниот татко повторно се вратил на пороците.

Прочитајте и Телохранител на Бритни открива детали: „Ѝ даваа тешки лекови поради кои стануваше неразумна, не се бањаше со денови“

Од друга страна, пак, Page Six, пишува дека Џејми бил итно хоспитализиран затоа што се бори со инфекција и итно требало да му биде направена операција.

Откако ги прекина сите односи со својата постара ќерка Џејми повеќепати беше фотографиран од папараци и на фотографиите се гледа дека е екстремно ослабен, а според некои извори, освен што имал проблеми со пороците, тој бил примен на операција пред неколку месеци, заради компликации поврзани со неговата операција на коленото од 2000-тата година.

Инаку, по ослободувањето од 13-годишното легално старателство Бритни Спирс во целост го прекина контактот со членовите на нејзиното потесно семејство и ја користи секоја пригода за да ги оцрни и да ги обвини за тоа што ѝ го направиле и начинот на живот што ѝ го наметнале.

Прочитајте и Болниот татко на Бритни Спирс живее во камп-приколка + сестра ѝ тврди дека нема удел во злоупотребата по нападите од јавноста

Б. С. Б. | Црнобело