„На првиот состанок си ги соблече панталоните среде паркинг“: Џулија Фокс открива „одвратни“ детали од кратката врска со Канје

Детали

вторник, 10 октомври 2023

„Ги соблече панталоните на паркингот и почна да уринира. Скокнав пред него за да го заштитам од луѓето кои сакаа да го фотографираат. Потоа се облече и страсно ме бакна“, вели Џулија Фокс за кратката, но бурна романса со Канје Вест.

 

Џулија Фокс, која се прослави поради кратката врска со Канје Вест, изјави дека ќе открие „валкани“ и „одвратни“ детали од нивната романса во нејзините мемоари.

Page Six, пак, сподели детали од мемоарите уште пред да бидат пуштени во продажба.

33-годишната Џулија пишува дека 46-годишниот рапер ја бомбардирал со пораки и повици, а на крај ја поканил на новогодишна забава во Мајами. Вака всушност започнала нивната врска.

На почетокот Џулија го одбила, но се согласила кога раперот ѝ ветил дека ќе ја однесе на прославата со приватен авион.

Кога се сретнале на забавата, Џулија вели дека Канје ја прегрнал, а таа почнала да го бакнува на вратот.

Нивната прва средба набрзо потоа ескалирала. Односно, Канје ѝ рекол на Џулија да излезат заедно на паркингот.

Но, штом излегле, тој си ги соблекол панталоните и почнал да уринира.

„Канје почна да уринира покрај ѕидот, а јас веднаш скокнав пред него“, пишува Џулија, додавајќи дека тогаш пробала да го заштити од луѓето наоколу кои почнале да го фотографираат.

„Штом заврши, си ги крена панталоните, ме прегрна и страсно ме бакна“.

Потоа, Џулија вели дека додека биле во хотелска соба со Канје, тој понудил да ѝ плати за операција за зголемување на градите.

„Го поминавме денот играјќи карти. Тој ми рече ’Ќе ти платам операција за градите ако сакаш‘“.

Џулија тврди дека ја одбила понудата.

Минатата недела, таа исто така зборуваше за Канје, откривајќи дека тој ја користел како „оружје против Ким“.

На почетокот, Џулија мислела дека ќе биде среќна со него, но набрзо тој почнал да ја контролира.

„Се чувствував како да сум му марионета“.

Џулија открива и дека врската со Канје, иако траеше едвај два месеца, имала лошо влијание врз нејзината репутација.

Односно, не успеала да направи неколку договори за работа, само затоа што ја поврзувале со контроверзниот рапер.

Спирова С. | Црнобело