„Моето ангелче е здраво, само има голем мозок“ – Парис Хилтон гневна за грдите коментари за изгледот на нејзиното бебе

Детали

вторник, 24 октомври 2023

„Секако дека го однесов на лекар бебето. Тешко ми е да прифатам дека има луѓе во светот, што би ставиле на мета толку невино суштество“ – им одговори Парис Хилтон на загрижените фанови, кои сами се обидоа да постават дијагноза за нејзиното бебе, откако забележаа дека тоа има необичен облик на главата.

Минатата недела Парис Хилтон (42) објави повеќе фотографии од нејзиниот син Феникс за време на неговото прво патување во Њујорк. Но, очигледно, богатата наследничка не очекувала дека ќе добие толку грди коментари за изгледот на нејзиниот 9-месечен син.

Голем број од нејзините следбеници коментираа за необичниот изглед на главата на бебето и секако, дадоа најразлични дијагнози.

„Изгледа како да има некоја форма на краниосиностоза (неправилно спојување на коските на черепот), се надевам дека сте го провериле тоа“;

„Ова убаво бебе како да има возпаление на мозокот. Ве молам однесете го бебето на педијатар“;

„Макроцефалија, мојот мал братучед имаше операција и сега изгледа нормално“;

„Дали има енцефалитис? Што се случува, не сакам да бидам некултурна, но ова не ми изгледа нормално“ – стои во дел од коментарите.

По овие коментари Парис одлучи дека веќе ѝ е доста, па одговори:

„Навистина има болни луѓе во светов. Моето бебе е совршено здраво. И да, секако дека го однесов на лекар, а има само голем мозок“ – појасни таа.

Продолжува на следната страница...